Sihol Hi Inang
Tung mancai burju do pambaenan ni dainang disimanjujungku,
Jala paltak do sude dibaen dainang,
Marabur do ilukku sagodang godangna
molo huingot pambaenan nai,
Burju nai tahe tung so tarbalos…
Ala ni sihol ni rohangku,
jala ala ni lungun ni rohangku na tarlobi
Jot-jot doau mangandung di tonga borgin
Ima au anak buhabajumon..
Jala tarsingot do au muse,
disude hadangolanta
Sopanagaman manetek do ilukku
Rab tubalian hita rab marsoban
Ala ni male ni si ubeanku
Pola do dang tarhandittu sobanhu
Ala holan gadong do na huallang
Ditogu dainang au, dang diloas au marsiboanon
Paltak dibaen ho holong mi inang di parngoluankon
Huingot muse disada ari,
uju hita dibalian
Rab mangula hita,didadang las ni ari, ditinggang udan.
Topek muse nungga tikkina martugo.
Rab tu sopo hita
Dienet dainang ma gulamo,
naung ditutung di gara niapi narara,
Apala otik do dipeakkon ho dipiringmu,
jala samponggol balga diau dibahen ho gabbas i
Paltakdo parniulaonmi diau inang
Nueng dao au diluat sihadaoan
Dao sian dainag, huhasiholi mai sudena
Dainang naburju, mauliate ma disude pambaenan mi
Tangiang mi, parorot au dison.
Horas di hita saluhutna...
Belum ada tanggapan untuk "SIHOL HI INANG | PUISI BATAK "
Post a Comment